ملڪ جي اڪثر علائقن ۾ موسم خشڪ رهڻ کانسواءِ ٻنپهرن جي گرمي پد معمول کان وڌيڪ رهڻ جو امڪان آهي: موسميات کاتو

اسلام آباد-22 فيبروري (اي پي پي) موسميات کاتي اڳڪٿي ڪئي آهي ته ايندڙ 24 ڪلاڪن دوران ملڪ جي اڪثر علائقن ۾ موسم خشڪ رهڻ کانسواءِ ٻنپهرن جي گرمي پد معمول کان وڌيڪ رهڻ جو امڪان آهي، جڏهن ته اترئين علائقن ۾ صبح ۽ رات جي وقت ۾ موسم ٿڌي رهڻ جو امڪان آهي. موسميات کاتي مطابق گذريل 24 ڪلاڪن دوران ملڪ جي اڪثر علائقن ۾ موسم خشڪ رهي. جڏهن ته اترئين علائقن ۾ صبح ۽ رات جي وقت ۾ ڪجهه هنڌن تي شديد ٿد رهي. آچر ڏينهن رڪارڊ ڪيل گهٽ ۾ گهٽ گرمي پد ليه ۾ ڪاٽو 06، اسڪردو، استور ۾ ڪاٽو 02 ۽ گوپس ۾ ڪاٽو 00 ڊگري سينٽي گريڊ رڪارڊ ڪيو ويو.