اسلام آباد – 17 فيبروري (اي پي پي) وزيراعظم محمد شهباز شريف نئين چيني سال جي آمد تي صدر شي جن پنگ، چين جي ڀائر عوام ۽ سڄي دنيا ۾ چيني شهرين کي مبارڪباد ڏيندي چيو آهي ته پاڪستان ۽ چين هر طرح جي حالتن ۾ اسٽريٽجڪ تعاون تي ٻڌل حصيداري، امن ۽ ترقي ۽ علائقائي رابطن جي گڏيل ويزن تي قائم آهن. ايڪس تي پنهنجي پيغام ۾ وزيراعظم محمد …
وزيراعظم شهباز شريف پاران نئين چيني سال جي آمد تي صدر شي جن پنگ، چين جي ڀائر عوام ۽ سڄي دنيا ۾ چيني شهرين کي مبارڪون
مزید خبریں
اسلام آباد – 17 فيبروري (اي پي پي) وزيراعظم محمد شهباز شريف نئين چيني سال جي آمد تي صدر شي جن پنگ، چين جي ڀائر عوام ۽ سڄي دنيا ۾ چيني شهرين کي مبارڪباد ڏيندي چيو آهي ته پاڪستان ۽ چين هر طرح جي حالتن ۾ اسٽريٽجڪ تعاون تي ٻڌل حصيداري، امن ۽ ترقي ۽ علائقائي رابطن جي گڏيل ويزن تي قائم آهن. ايڪس تي پنهنجي پيغام ۾ وزيراعظم محمد شهباز شريف نئين چيني سال 2026ع جيڪو چين ۾ ”گهوڙي جو سال“ قرار ڏنو وڃي ٿو، جي آمد تي چين جي صدر شي جن پنگ، چيني ڀائر عوام ۽ سڄي دنيا ۾ آباد چيني برادرين کي دل جي گهرائين سان مبارڪباد پيش ڪندي چيو ته گهوڙو توانائي، ثابت قدمي ۽ رفتار جي علامت آهي. هن چيو ته پاڪستان ۽ چين مضبوط ڀائر آهن جيڪي هر موسمي اسٽريٽجڪ تعاون تي ٻڌل حصيداري، امن، ترقي ۽ علائقائي رابطن جي گڏيل ويزن سان واڳيل آهن. هن دعا ڪئي ته نئون سال اسان جي پائيدار دوستي کي وڌيڪ مضبوط ڪري ۽ اسان جي ٻنهي عوام جي خوشحالي جي لاءِ تعاون کي وڌيڪ سگهه ڏي، پوري پاڪستاني قوم مون سان هڪ آواز ٿي پنهنجي چيني ڀائرن ۽ ڀينرن جي لاءِ ”گهوڙي جو سال“ ۾ صحت، ڪاميابي ۽ ترقي جون نيڪ خواهشون پيش ڪري ٿي.
