اسلام آباد- 14 فيبروري (اي پي پي) سپريم ڪورٽ آف پاڪستان جي چيف جسٽس جسٽس يحييٰ آفريدي چيو آهي ته انصاف جي فراهمي جاگرافيائي جي مُحتاج نه هجڻ گهرجي، رياست جي آئيني ذميواري آهي ته اها ملڪ جي آخري ڪنڊ تائين برابر، باوقار ۽ اثرائتي انصاف پهچائي. سپريم ڪورٽ جي پبلڪ رليشنز ڊپارٽمينٽ پاران جاري ڪيل بيان موجب هن اها ڳالهه جوڊيشل ڪمپليڪس فورٽ عباس جي دوري جي موقعي تي …
انصاف جي فراهمي جاگرافيائي جي مُحتاج نه هجڻ گهرجي: چيف جسٽس يحييٰ آفريدي
مزید خبریں
اسلام آباد- 14 فيبروري (اي پي پي) سپريم ڪورٽ آف پاڪستان جي چيف جسٽس جسٽس يحييٰ آفريدي چيو آهي ته انصاف جي فراهمي جاگرافيائي جي مُحتاج نه هجڻ گهرجي، رياست جي آئيني ذميواري آهي ته اها ملڪ جي آخري ڪنڊ تائين برابر، باوقار ۽ اثرائتي انصاف پهچائي. سپريم ڪورٽ جي پبلڪ رليشنز ڊپارٽمينٽ پاران جاري ڪيل بيان موجب هن اها ڳالهه جوڊيشل ڪمپليڪس فورٽ عباس جي دوري جي موقعي تي ججن ۽ وڪيلن سان ڳالهائيندي چئي. هن چيو ته ڏورانهن عدالتي مرڪزن کي به اهي ئي ادارتي وقار، بنيادي ۽ انتظامي سهولتُون ملڻ گهرجن جيڪي وڏن شهرن جي عدالتن کي مليل آهن. هن چيو ته عدليه جي ساک ايمانداري، شفافيت ۽ سائلين سان سٺي سلوڪ سان ڳنڍيل آهي. چيف جسٽس، لا اينڊ جسٽس ڪميشن آف پاڪستان (ايل جي سي پي) جي چيئرمين جي حيثيت سان، سڌارن جي قدمن جو جائزو وٺڻ لاءِ فورٽ عباس پهتو جتي لاهور هاءِ ڪورٽ جو چيف جسٽس پڻ ساڻس گڏ هو. فورٽ عباس کي جاگرافيائي طور تي پنجاب جو آخري عدالتي چوڪي تصور ڪيو وڃي ٿو ۽ وسيلن جي کوٽ جهڙن مسئلن کي منهن ڏئي رهيو آهي. دوري دوران، چيف جسٽس عدالتن جي انتظامي ڍانچي، بنيادي سهولتن ۽ سائيلن کي ملندڙ سهولتن واري نظام جو تفصيلي جائزو ورتو.
