نائب وزيراعظم ۽ پرڏيهي وزير سينيٽر محمد اسحاق ڊار جو عرب جمهوريه مصر جي پرڏيهي وزير ڊاڪٽر بدر عبالعاطي سان ٽيليفونڪ رابطو

اسلام آباد  -13 فيبروري (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار عرب جمهوريه مصر جي پرڏيهي وزير ڊاڪٽر بدر عبالعاطي سان ٽيليفونڪ رابطو ڪيو. پرڏيهي آفيس موجب نائب وزيراعظم مصر جي ڪابينا ۾ تازي ڦيرڦار کانپوءِ پنهنجي عهدي تي برقرار رهڻ تي مصري پرڏيهي وزير کي مبارڪباد ڏني ۽ ان جي لاءِ نيڪ خواهشن جو اظهار ڪيو. ٻنهي اڳواڻن ٻطرفي لاڳاپن تي خيالن جي ڏي وٺ ڪئي ۽ گڏيل دلچسپي جي علائقائي ۽ عالمي معاملن تي پڻ ڳالهه ٻولهه ڪئي.