وزيراعظم پاران چين جي تعاون سان ارٿ آبزرويشن سيٽلائيٽ اي او – 2 جي لانچنگ تي قوم کي مبارڪباد

اسلام آباد – 12 فيبروري (اي پي پي)  وزيراعظم محمد شهباز شريف چين جي تعاون سان ارٿ آبزرويشن سيٽلائيٽ اي او – 2 جي لانچنگ تي قوم کي مبارڪباد ڏيندي سائنسدانن ۽ ماهرن کي خراج تحسين پيش ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم چيو ته ان سيٽلائيٽ جي لانچنگ سان اهم ڊيٽا گڏ ڪرڻ، موسمياتي نگراني ۽ شهري منصوبابندي جي حوالي سان اهم معلومات ۽ تصويرون وٺڻ ۾ مدد ملندي.