سکر -05 جنوري (اي پي پي) چيئرمين ڊسٽرڪٽ ڪائونسل سکر ۽ چيئرمين پاڪستان لوڪل ڪائونسل ايسوسيئيشن سيد ڪميل حيدر شاهه يومِ يڪجهتي ڪشمير جي موقعي تي پنهنجي جاري ڪيل پيغام ۾ چيو آهي ته ڀارت پاران ڪشميرين تي جاري ظلم ۽ ڏاڍ عالمي قانونن، انساني اصولن ۽ بنيادي انساني حقن جي کليءَ عام ڀڃڪڙي آهي. هن چيو ته ڪشميرين جو پختو عزم ۽ حوصلو پوري دنيا لاءِ همت، بهادري ۽ …
ڪشميرين جو پختو عزم ۽ حوصلو پوري دنيا لاءِ همت، بهادري ۽ جدوجهد جي علامت بڻيل آهي: سيد ڪميل حيدر شاهه
مزید خبریں
سکر -05 جنوري (اي پي پي) چيئرمين ڊسٽرڪٽ ڪائونسل سکر ۽ چيئرمين پاڪستان لوڪل ڪائونسل ايسوسيئيشن سيد ڪميل حيدر شاهه يومِ يڪجهتي ڪشمير جي موقعي تي پنهنجي جاري ڪيل پيغام ۾ چيو آهي ته ڀارت پاران ڪشميرين تي جاري ظلم ۽ ڏاڍ عالمي قانونن، انساني اصولن ۽ بنيادي انساني حقن جي کليءَ عام ڀڃڪڙي آهي. هن چيو ته ڪشميرين جو پختو عزم ۽ حوصلو پوري دنيا لاءِ همت، بهادري ۽ جدوجهد جي علامت بڻيل آهي.سيد ڪميل حيدر شاهه چيو ته ڀارت هاڻي وڌيڪ وقت تائين ڪشمير تي پنهنجو ناجائز قبضو برقرار نٿو رکي سگهي، ڇاڪاڻته پوري پاڪستاني قوم پنهنجن ڪشميري ڀائرن ۽ ڀينرن سان گڏ بيٺل آهي. هن واضح ڪيو ته ڪشمير جو مسئلو ننڍي کنڊ جي ورهاڱي جي اڻپوري ايجنڊا آهي، جنهن جو حل صرف ۽ صرف گڏيل قومن جي قراردادن مطابق ئي ممڪن آهي. هن چيو ته ڪشميرين جي جذبن، قربانين، همت ۽ استقامت تي پوري پاڪستاني قوم کين سلام پيش ڪري ٿي. سيد ڪميل حيدر شاهه جو چوڻ هو ته ڪشمير پاڪستان جو اڻٽٽ انگ آهي ۽ انشاءَالله اهو ڏينهن پري ناهي جڏهن ڪشمير آزادي حاصل ڪري پاڪستان جو حصو بڻجندو. هن چيو ته ڪشميرين جي آزاديءَ جو سج جلد اڀرندو ٿيندو. پيپلز پارٽي جي ڪردار بابت ڳالهائيندي هن چيو ته ڪشمير جي مسئلي کي هميشه پاڪستان پيپلز پارٽي جي قيادت ئي عالمي سطح تي اجاگر ڪيو آهي. شهيد ذوالفقار علي ڀٽو جڏهن ڪشمير جي مسئلي تي مضبوط آواز بلند ڪيو ته گڏيل قومن کي ان بابت قرارداد منظور ڪرڻي پئي. هن وڌيڪ چيو ته شهيد ذوالفقار علي ڀٽو کان وٺي شهيد محترمه بينظير ڀٽو تائين، صدر آصف علي زرداري کان وٺي چيئرمين بلاول ڀٽو زرداري تائين، پاڪستان پيپلز پارٽي جي قيادت هميشه مظلوم ڪشميرين جي حقن لاءِ آواز بلند ڪندي رهي آهي ۽ مستقبل ۾ به ڪندي رهندي.
