ڪوئيٽا پوليس سرڪاري ملڪيتن جي چوري ۾ ملوث ماڻهن کي 48 ڪلاڪن جي مهلت ڏئي ڇڏي

ڪوئيٽا- 02 فيبروري (اي پي پي) ڪوئيٽا پوليس سرڪاري ملڪيتن جي چوري ۾ ملوث ماڻهن کي 48 ڪلاڪن جي مهلت ڏئي ڇڏي آهي. بلوچستان پوليس ترجمان مطابق جن شهرين سرڪاري تحويل مان موٽر سائيڪلون، گاڏيون ۽ رڪشه يا ڪو به سرڪاري سامان چوري ڪيو آهي، انهن کي خبردار ڪيو وڃي ٿو ته ڪوئيٽا پوليس هڪ آپريشن شروع ڪري رهي آهي جنهن ۾ سمورو چوري ٿيل سامان ريڪور ڪيو ويندو. ۽ جن ماڻهن جي قبضي مان چوري ٿيل سامان مليو انهن کي به دهشتگردن جو ساٿي تصور ڪيو ويندو ۽ انهن خلاف دهشتگردي جي شقن تحت ڪيس هلايا ويندا. ڪوئيٽا پوليس عوام جي خدمت ۾ هر وقت مصروف آهي، اهڙن سمورن ماڻهن جن سرڪاري سامان جي چوري ڪئي انهن کي 48 ڪلاڪن جي مهلت ڏني وڃي ٿي ته اهي سمورو چوري ٿيل سامان لاڳاپيل ٿاڻن ۾ واپس ڪن، انهن کان ڪو به سوال نه ڪيو ويندو. 48 ڪلاڪن کانپوءِ جن جي قبضي مان چوري ٿيل سامان ملندو، انهن کي دهشتگردن جو ساٿي تصور ڪيو ويندو.