ٽيلي ميڊيسن سسٽم صحت شعبي ۾ خاموش انقلاب آهي، ٽيلي ميڊيسن سسٽم وفاقي بنيادي صحت مرڪزن ۾ شروع ڪري ڇڏيو: وفاقي وزير سيد مصطفيٰ ڪمال

اسلام آباد-06 جنوري (اي پي پي) قومي صحت واري وفاقي وزير سيد مصطفيٰ ڪمال چيو آهي ته ٽيلي ميڊيسن سسٽم صحت شعبي ۾ خاموش انقلاب آهي،  پرائمري هيلٿ سسٽم جو متبادل ٽيلي ميڊيسن سسٽم آهي، ٽيلي ميڊيسن سسٽم وفاقي بنيادي صحت مرڪزن ۾ شروع ڪيو ويو آهي. اهڙن خيالن جو اظهار هن صحت واري وزارت جي سهڪار سان صحت ڪهاڻي جي انتظاميه هيٺ پهرين هيلٿ ڪيئر سينٽر جي افتتاحي تقريب جي موقعي تي ڪيو. هن چيو ته اڄ ٽيلي ميڊيسن جي حوالي سان وڏو ڏينهن آهي، اسلام آباد جي گوگينه ڳوٺ ۾ ٽيلي ميڊيسن پراجيڪٽ باقاعده شروع ٿي ويو آهي. هن چيو ته صحت ڪهاڻي ڊجيٽل صحت ادارو سهولتون فراهم ڪندو. هن چيو ته اسان جي نجي ۽ سرڪاري اسپتالن ۾ سياسي جلسن جهڙو هجوم آهي. اسپتالن ۾ هجوم جو سبب پرائمري ۽ سيڪنڊري هيلٿ ڪيئر سسٽم جي غير موجودگي آهي. هن چيو ته پرائمري سسٽم جو متبادل ٽيلي ميڊيسن سسٽم آهي. هن چيو ته وڏين اسپتالن جي 70 سيڪڙو مريض بنيادي صحت مرڪز وڄڻ گهرجن. اسان اسلام اباد جي 6 ۽ ڪراچي جي 4 هنڌن تي ٽيلي ميڊيسن سسٽم نصب ڪري رهيا آهيون. مريضن کي آن لائن ڪئمرا تي 3 جنرل فزيشن هر وقت ڏسي رهيا هوندا. هن چيو ته 6 هنڌن تي 18 ڊاڪٽر آن لائن موجود هوندا، آن لائن دوا جي پرچي جاري ٿيندي، مريض کي هتان کان دوا فراهم ڪئي ويندي، وڏين اسپتالن جو رش گهٽ هجڻ شروع ٿي ويندو. هن چيو ته ڊاڪٽرن جو هڪ وڏو انگ خاص طور عورت ڊاڪٽرز پريڪٽس نٿيون ڪن، هو گهر ويٺي مريضن جو علاج ڪنديون، ڪجهه مهينا اڳ اسان، اهو خراب ڏٺو هو، اهو برسات جو پهريون ڦڙو آهي. اڱاري ڏينهن پهرين بي ايڇ يو جو افتتاح ڪيو آهي، ان کانپوءِ هر هفتي هڪ بي ايڇ يو جو افتتاح ٿيندو. هتي صبح کان شام 6 وڳي تائين مريضن جو معائنو ڪيو ويندو. هن چيو ته هتي سرپرائز وزٽ ڪندو رهندس.