وزيراعظم محمد شهباز شريف گڏيل قومن جي جنرل اسيمبلي جي 81هين اجلاس ۾ شرڪت ڪرڻ کانپوءِ وطن واپس پهچي ويو

اسلام آباد- 30 سيپٽمبر (اي پي پي) وزيراعظم محمد شهباز شريف گڏيل قومن جي جنرل اسيمبلي جي 81هين اجلاس ۾ شرڪت ڪرڻ کانپوءِ وطن واپس پهچي ويو. وزيراعظم آفيس جي ميڊيا ونگ پاران جاري ڪيل بيان موجب وطن واپسي تي گهرو وزير محسن نقوي، اطلاعات واري وزير عطاءُ الله تارڙ ۽ گهرو معاملن واري مملڪتي وزير طلال چوڌري وزيراعظم جو استقبال ڪيو. وزيراعظم محمد شهباز شريف گڏيل قومن جي جنرل اسيمبلي جي 81هين اجلاس ۾ پاڪستان جي نمائندگي ڪئي. وزيراعظم جنرل اسيمبلي جي اجلاس کي خطاب ۾ پاڪستان جو موقف موثر انداز ۾ پيش ڪيو. وزيراعظم عالمي اڳواڻن ۽ اعليٰ عهديدارن سان اهم ٻطرفيُون ۽ گهڻ طرفيُون ملاقاتون ڪيون. وزيراعظم عالمي سطح تي امن، سلامتي، ترقي ۽ گڏيل تعاون جي فروغ لاءِ پاڪستان جي موقف اجاگر ڪيو. وزيراعظم عالمي مالياتي ادارن ۽ ڪاروباري شخصيتن سان ملاقاتن ۾ پاڪستان ۾ سيڙپڪاري ۽ معاشي تعاون جي فروغ تي ڳالهه ٻولهه ڪئي.