اسلام آباد - 05 جنوري (اي پي پي) وزيراعظم محمد شهباز شريف ننڍي ۽ وچولي درجي جي ڪاروبار جي فروغ جي لاءِ روڊ ميپ کي ساراهيندي چيو آهي ته ننڍي ۽ وچولي درجي جا ڪاروبار ملڪي معيشت جي لاءِ ڪرنگهي جي هڏي جي حيثيت رکن ٿا. اهڙن خيالن جو اظهار هن ملڪ ۾ ننڍي ۽ وچولي درجي جي ڪاروبار جي فروغ لاءِ ”سميڊا“ جي بزنس پلان جي حوالي سان اجلاس …
ننڍي ۽ وچولي درجي جا ڪاروبار ملڪي معيشت جي لاءِ ڪرنگهي جي هڏي جي حيثيت رکن ٿا: وزيراعظم محمد شهباز شريف
مزید خبریں
اسلام آباد – 05 جنوري (اي پي پي) وزيراعظم محمد شهباز شريف ننڍي ۽ وچولي درجي جي ڪاروبار جي فروغ جي لاءِ روڊ ميپ کي ساراهيندي چيو آهي ته ننڍي ۽ وچولي درجي جا ڪاروبار ملڪي معيشت جي لاءِ ڪرنگهي جي هڏي جي حيثيت رکن ٿا. اهڙن خيالن جو اظهار هن ملڪ ۾ ننڍي ۽ وچولي درجي جي ڪاروبار جي فروغ لاءِ ”سميڊا“ جي بزنس پلان جي حوالي سان اجلاس جي صدارت دوران ڳالهائيندي ڪيو. وزيراعظم آفيس جي ميڊيا ونگ پاران جاري بيان موجب اجلاس ۾ ننڍي ۽ وچولي درجي جي ڪاروبار جي فروغ جي لاءِ ايندڙ ٽن سالن جو روڊ ميپ پيش ڪيو ويو. وزيراعظم قابل عمل ۽ موثر پلان جوڙڻ تي خاص معاون هارون اختر ۽ سميڊا جي نئين چونڊيل بورڊ آف ڊائريڪٽرز کي ساراهيندي چيو ته ننڍي ۽ وچولي درجي جا ڪاروبار ملڪي معيشت جي لاءِ ڪرنگهي جي هڏي جي حيثيت رکن ٿا، ننڍي ۽ وچولي درجي جي ڪاروبار جي ترقي سان ملڪي روانگي واپار ۾ اضافي جي ڀرپور صلاحيت موجود آهي. وزيراعظم لاڳاپيل ادارن کي بئنڪن ۽ ٻين مالي ادارن پاران ننڍي ۽ وچولي درجي جي ڪاروبار کي آسان شرطن تي قرض فراهم ڪرڻ جي لاءِ قدم تيز ڪرڻ جي هدايت ڪئي. اجلاس ۾ ننڍي ۽ وچولي درجي جي ڪاروبار کي درپيش مسئلن ۽ انهن مسئلن جي خاتمي جي لاءِ حڪمت عملي، ايس ايم ايز کي ملڪي روانگي واپار ۾ شامل ڪرڻ جي لاءِ حڪمت عملي ۽ بزنس پلان ۾ شامل ٻين قدمن تي تفصيلي بريفنگ ڏني وئي. اجلاس ۾ پاڪستان جي ايس ايم اي سيڪٽر کي عالمي مارڪيٽ ۾ چٽاڀيٽي بنيادن تي متعارف ڪرائڻ جي لاءِ مختلف ملڪن سان جاري تعاون کي وڌيڪ وڌائڻ جي حوالي سان جاري قدمن تي پڻ بريفنگ ڏني وئي جنهن ۾ ٻڌايو ويو ته ملڪي ايس ايم ايز جي صلاحيت وڌائڻ جي لاءِ تازو ئي 6 شهرن ۾ ڪيترائي ورڪشاپ منعقد ڪيا ويا آهن، ننڍي ۽ وچولي درجي جي ڪاروبار کي عالمي سطح تي مقابلي جي لاءِ تيار ڪرڻ جي لاءِ ڪيترن ئي تربيتي پروگرامز تي پڻ ڪم جاري آهي. اجلاس ۾ عورتن جي ايس ايم اي سيڪٽر ۾ شرڪت ۽ ڀرپور ڪردار ادا ڪرڻ جي حوالي سان قدمن تي پڻ بريفنگ ڏني وئي. اجلاس ۾ اطلاعات ۽ نشريات وارو وفاقي وزير عطاءُ الله تارڙ، خاص معاون هارون اختر، اسٽيٽ بئنڪ جو گورنر جميل احمد، چئني صوبن ۽ آزاد ڪشمير ۽ گلگت بلتستان جا چيف سيڪريٽريز، سميڊا جا نوان چونڊيل بورڊ ميمبر ۽ لاڳاپيل ادارن جا آفيسر شريڪ هئا.
