چين سمورن ملڪن جي پنهنجي خودمختياري ۽ قومي وقار جي دفاع جي حمايت ڪري ٿو: چين جو پرڏيهي وزير

بيجينگ-18 ڊسمبر (اي پي پي) چين جي پرڏيهي وزير وانگ اي چيو آهي ته چين سمورن ملڪن جي خودمختياري ۽ قومي وقار جي دفاع جي حمايت ڪري ٿو. پرڏيهي ميڊيا مطابق سي پي سي جي مرڪزي ڪميٽي جي سياسي بيورو جي ميمبر ۽ پرڏيهي وزير وانگ اي وينزويلا جي پرڏيهي وزير ايوان گل سان ٽيليفون تي ڳالهه ٻولهه ڪئي. ايوان گل وينزويلا جي موجوده داخلي حالتن سان وانگ اي کي آگاهه ڪيو ۽ چيو ته وينزويلا جي حڪومت ۽ عوام پنهنجي ملڪ جي خودمختياري ۽ آزادي جي دفاع رکي ٿو، پنهنجن قانوني حقن جي حفاظت ڪنداسين، ۽ ڪنهن به طاقت جي دٻاءُ ۽ ڌمڪي کي قبول نه ڪنداسين. چيني پرڏيهي وزير وانگ اي چيو ته چين ۽ وينزويلا اسٽريٽجڪ شراڪتدار آهن، گڏيل اعتماد ۽ حمايت چين ۽ وينزويلا لاڳاپن جي روايت رهي آهي. چين هر قسم جي هڪ طرفا دٻاءُ ۽ ڪارروائين جي مخالفت ڪري ٿو ۽ هر ملڪ کي پنهنجي خودمختياري ۽ قومي وقار جي دفاع جي حمايت فراهم ڪري ٿو.