اسلام آباد - 05 ڊسمبر (اي پي پي) وزيراعظم محمد شهباز شريف فيلڊ مارشل سيد عاصم منير کي ملڪ جي پهرين چيف آف ڊفينس فورسز جي تاريخي مقرر تي دلي مبارڪباد ڏيندي چيو آهي ته قوم جي سلامتي جي نگهبان جي طور تي سندس قيادت جو اسان جي بهادر هٿياربند فوج کي معرڪه حق ۾ فيصلائتي فتح تائين پهچائڻ ۾ بنيادي ڪردار آهي. ”ايڪس“ تي پنهنجي پيغام ۾ وزيراعظم چيو …
وزيراعظم پاران فيلڊ مارشل سيد عاصم منير کي ملڪ جي پهرين چيف آف ڊفينس فورسز جي تاريخي مقرر تي مبارڪباد
اسلام آباد – 05 ڊسمبر (اي پي پي) وزيراعظم محمد شهباز شريف فيلڊ مارشل سيد عاصم منير کي ملڪ جي پهرين چيف آف ڊفينس فورسز جي تاريخي مقرر تي دلي مبارڪباد ڏيندي چيو آهي ته قوم جي سلامتي جي نگهبان جي طور تي سندس قيادت جو اسان جي بهادر هٿياربند فوج کي معرڪه حق ۾ فيصلائتي فتح تائين پهچائڻ ۾ بنيادي ڪردار آهي. ”ايڪس“ تي پنهنجي پيغام ۾ وزيراعظم چيو ته پاڪستان جي عوام فيلڊ مارشل سيد عاصم منير جي ان جرئتمنداڻي ۽ بهادراڻي قيادت کي سدائين ياد رکنداسين جنهن جنگ جي مشڪل ترين حالتن ۾ هٿياربند فوج کي متحد، پوري قوم کي گڏ ڪيو ۽ ملڪ جي لاءِ تاريخي ڪاميابي يقيني بڻائي. وزيراعظم ايئر چيف مارشل ظهير احمد بابر سڌو کي پڻ ملازمت جي مدي ۾ توسيع تي دلي مبارڪباد ڏني. وزيراعظم چيو ته سندس شاندار قيادت ۾ پاڪ فضائيه بي مثال پيشيواراڻي مهارت جو مظاهرو ڪندي 7 دشمن جهاز ۽ جديد ميزائيل دفاعي نظام تباهه ڪيو ۽ پاڪستان جي فضائي برتري کي وڌيڪ مضبوط ڪيو. وزيراعظم چيو ته سمورا قومي ادارا پاڪستان جي دفاع، ترقي ۽ خوشحالي جي لاءِ متحد آهن. انشاءَ الله، اسان گڏجي پنهنجي ملڪ جي دفاع کي حقيقي معنيٰ ۾ فتح نه ٿيڻ جوڳو بڻائينداسين.
