فيلڊ مارشل سيد عاصم منير، پاڪ بحريه جي سربراهه، پاڪ فضائيه جي سربراهه ۽ هٿياربند فوج طرفان ميجر محمد اڪرم شهيد کي خراج عقيدت پيش

راولپنڊي-05 ڊسمبر (اي پي پي) چيف آف آرمي اسٽاف ۽ چيف آف ڊفينس فورسز، فيلڊ مارشل سيد عاصم منير، پاڪ بحريه جي سربراهه ايڊمرل نويد اشرف ۽ پاڪ فضائيه جي سربراهه چيف مارشل ظهير احمد بابر سڌو پاڪستان جي هٿياربند فوج طرفان ميجر محمد اڪرم شهيد، نشان حيدر جي 54 هين يوم شهادت تي خراج عقيدت پيش ڪيو آهي. پاڪ فوج جي سڌ سماءِ واري شعبي (آءِ ايس پي آر) مان جاري بيان موجب ميجر محمد اڪرم شهيد 1971ع ۾ هلي سيڪٽر (اوڀر پاڪستان) ۾ 4 فرنٽيئر فورس ريجمينٽ جي هڪ ڪمپني جي قيادت ڪندي غير معمولي جرئت ۽ ثابت قدمي جو مظاهرو ڪيو. 19 مئي 1971ع تي هن پنهنجي دفاعي پوزيشن کي مضبوطي سان سنڀالي رکيو ۽ دشمن کي ڪنهن به قسم جو جنگي فائدو حاصل ڪرڻ نه ڏنو. ان کانپوءِ 3 ڊسمبر 1971ع تي کين دشمن جي مضبوط قلعه بند مورچن تي حملي جو حڪم مليو. هو بي مثال عزم سان اڳڀرائي ڪندي دشمن جون 3 ٽينڪون تباهه ڪرڻ ۾ ڪامياب ٿيو، تنهن هوندي به شديد زخمي ٿيڻ باوجود هو بهادري سان وڙهندو رهيو. 5 ڊسمبر 1971ع تي هن شهادت ماڻي ۽ جرئت ۽ فرض شناسي جو اعليٰ ترين مثال قائم ڪيو. ميجر محمد اڪرم شهيد جي لازوال بهادري پاڪستان جي هٿياربند فوج جي فتح نه ٿيڻ جوڳي روح جي روشن علامت آهي. ان جي قرباني اڄ به ايندڙ نسلن لاءِ مشعل راهه آهي ۽ ملڪ جي خودمختياري ۽ علائقائي سلامتي جي دفاع جي عزم کي وڌيڪ مضبوط ڪري ٿي. اڄ هٿياربند پاڪ فوج جي سمورن شهيدن جي لازوال قربانين کي خراج عقيدت پيش ڪرڻ جي عزم جي تجديد ڪن ٿيون. قوم پنهنجي بهادر پٽن تي هميشه فخر ڪندي رهندي، جن جون قربانيون پاڪستان جي تاريخ ۾ سنهري لفظن ۾ لکيون ويون آهن.