دنيا جو سڀني کان وڏو هائوسنگ پروگرام ايس پي ايڇ ايف هڪ سماجي انقلاب بڻجي چڪو آهي: شرجيل انعام ميمڻ

ڪراچي-28 نومبر (اي پي پي)سنڌ جي سينئر ۽ اطلاعات، ٽرانسپورٽ ۽ ماس ٽرانزٽ واري صوبائي وزير شرجيل انعام ميمڻ چيو آھي ته دُنيا جو سڀني کان وڏو ھائوسنگ پروگرام ايس پي ايڇ ايف ھڪ اسڪيم کان وڌيڪ ھڪ سماجي انقلاب بڻجي چُڪو آھي، ھن وقت تائين  ويھ لک ماڻھن جي ويريفڪيشن مڪمل ٿي چُڪي آھي ۽ 15 لک ماڻھن جا اڪائونٽس کوليا ويا آھن، جڏھن ته ساڍا ڇھ لک گھرن جي تعمير آخري مرحلن ۾ آھي.ھڪ بيان ۾ ھن چيو آھي ته ھائوسنگ پروگرام ايس پي ايڇ ايف جي ذريعي ڏھ لک ماڻھن جي لاءِ روزگار جا موقعا پيدا ٿيا آھن ۽ 9 لک عورتن کي گھر جي زمين جي مالڪي جو حق ڏنو ويو آھي.شرجيل انعام ميمڻ چيو ته ڪراچي ۾ صاف پاڻي ۽ گندي پاڻي جي نيڪال لاءِ 38 ڏھائي 5 ارب رُپيا رکيا ويا آھن ۽ ڪي فور، حب اسٽارم واٽر ڊرين ۽ ڪي ڊبليو ايس ايس آءِ پي ٽو جھڙن رٿائن جي لاءِ فنڊز به جاري ٿي چُڪا آھن، سنڌ سرڪار پنھنجي ترقياتي ايجنڊا تي تيزي سان ڪم ڪري رھي آھي ۽ واٽر، سينيٽيشن ۽ ميونسپل سروسز جون 293 اسڪيمون منظور ڪيون ويون آھن، وزير اعليٰ سنڌ سمورن منصوبن جي لاءِ وقت سر فنڊز رليز جون به ھدايتون ڏنيون آھن.ھن چيو ته شھري ۽ ٻھراڙي جي علائقن ۾ روڊن ۽ رابطي جي نظام جي بھتري تي اڳڀرائي جاري آھي ۽ وزير اعليٰ ھن وقت تائين 620 منصوبن جو جائزو وٺي چُڪو آھي، ڪورنگي ڪاز وي پُل، انڊر پاسز ۽ لياري ٽرانسفارميشن منصوبو به پورو ٿيڻ وارو آھي، گڏوگڏ 970 ڪلوميٽر روڊن جي بحالي تي ڪم جاري آھي.سينئر وزير شرجيل انعام ميمڻ وڌيڪ چيو ته نوڪري ڪندڙ عورتن ۽ شاگردياڻين جي لاءِ اليڪٽرڪ بائيڪس جي تعداد وڌائڻ جي به منظوري ڏني وئي آھي، سنڌ سولر انرجي پروجيڪٽ سميت 25 ارب رُپين جي رينيوابل انرجي قدمن تي به عمل شروع ٿي چُڪو آھي، سنڌ سرڪار جو وِزن، استحڪام، خوشحالي ۽ مساوات تي ٻڌل آھي ۽ اُن مقصد تحت ترقياتي سرگرميون سڄي صوبي ۾ جاري آھن.