نائب وزيراعظم ۽ پرڏيهي وزير سينيٽر محمد اسحاق ڊار ۽ ايران جي پرڏيهي وزير عراقچي جي ٽيليفونڪ ڳالهه ٻولهه

اسلام آباد _ 01 – آڪٽوبر (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار ۽ ايران جي پرڏيهي وزير عراقچي جي ٽيليفون تي ڳالهه ٻولهه ٿي جنهن ۾ ٻنهي اڳواڻن پاڪستان – ايران ڀائراڻي لاڳاپن جو جائزو ورتو ۽ خطي ۾ بدلجندڙ صورتحال ۽ امن ۽ سلامتي کي فروغ ڏيڻ جي لاءِ جاري سفارتي ڪوششن تي خيالن جي ڏي وٺ ڪئي. پرڏيهي آفيس جي ترجمان پاران جاري بيان موجب ٻنهي پرڏيهي وزيرن پاڪستان – ايران جي ڀائراڻي لاڳاپن جو جائزو ورتو ۽ خطي ۾ بدلجندڙ صورتحال ۽ امن ۽ سلامتي کي فروغ ڏيڻ جي لاءِ جاري سفارتي ڪوششن تي خيالن جي ڏي وٺ ڪئي. ٻنهي اڳواڻن ٻطرفي تعاون سان گڏوگڏ گهڻ رخي فورمز تي پنهنجي تعاون کي گهرو ڪرڻ جي عزم جو ورجاءُ ڪيو.