پاڪستان اسٽاڪ ايڪسچينج ۾ ٻاڙائي جو رجحان، 100 انڊيڪس 784.84 پوائنٽن جي گهٽتائي سان هڪ لک 64 هزار 708 پوائنٽس تي پهچي ويو

اسلام آباد -01 آڪٽوبر (اي پي پي) پاڪستان اسٽاڪ ايڪسچينج ۾ اربع ڏينهن ٻاڙائي جو رجحان رهيو ۽ ڪي ايس اي 100 انڊيڪس 784.84 پوائنٽن جي گهٽتائي کان پوءِ هڪ لک 64 هزار 708 پوائنٽس تائين پهچي ويو. گذريل هفتي ۽ جاري هفتي جي پهرين 2 ڪاروباري ڏينهن ۾ مارڪيٽ ۾ زبردست تيزي ڏسڻ ۾ ائي هئي، جڏهن ته گذريل ڏينهن ڪاروبار جي شروعات تي  ٻاڙائي رهي.  ڪي ايس اي 30 انڊيڪس 319.61 پوائنٽن جي گهٽتائي کان پوءِ 50667.22  پوائنٽس ۽ اسلامي ماليات رکندڙ  ڪي ايم آءِ 30 انڊيڪس 1268.06 پوائنٽن جي گهٽتائي کان پوءِ 2 لک 44 هزار 999 پوائنٽس ٿي ويو. مجموعي طور تي 781.53 ملين شيئرز جي ڏيتي ليتي ٿي جن جي ماليت 32.10  ارب روپيا هئي. فيوچر ٽريڊنگ تحت 6.79  ارب روپين جا سودا طئي ٿيا. ڪي اليڪٽرڪ، ڊبليو ٽي ايل ۽ پاڪستان ٽيلي ڪميونيڪيشن ڪمپني جي شيئرز جي ڏيتي ليتي سڀ کان وڌيڪ ٿي. فرسٽ ايڪوٽي مضار به، هالا انٽر پرائيزز ۽ ايگري ٽيڪ لميٽيڊ سرفهرست ايڊوانسر ڪمپنيون رهيون.