پاڪستان ۽ سعودي عرب جو گڏيل دفاعي معاهدو ٻنهي ملڪن جي ڀائراڻي لاڳاپن جي تاريخ ۾ اهم موڙ آهي: وفاقي وزير خواجه محمد آصف

اسلام آباد-18 سيپٽمبر (اي پي پي) دفاع واري وفاقي وزير خواجه محمد آصف پاڪستان ۽ سعودي عرب وچ ۾ گڏيل دفاعي معاهدي کي ٻنهي ملڪن جي ڀائراڻي لاڳاپن جي تاريخ ۾ اهم موڙ قرار ڏيندي چيو آهي ته ٻئي ڀائر ملڪ دشمن آڏو پهرين قطار ۽ ڪلهو ڪلهي ۾ ملائي بيٺل آهن. پاڪستان ۽ سعودي عرب وچ ۾ تاريخي گڏيل دفاعي معاهدي جي حوالي سان سوشل ميڊيا ايڪس تي پنهنجي پوسٽ ۾ هن چيو ته رب سائين جي مهرباني سان گڏيل دشمن جي مقابلي ۾ انشاءُ الله سڄي امت متحد ٿيندي. پاڪستان زنده باد مسلم امت پائنده باد.