وزيراعظم پاران مستونگ ضلعي ۾ فتنه الهندستان جي دهشتگردن جي خلاف ڪامياب ڪارروائي تي سيڪيورٽي فورسز کي خراج تحسين پيش

اسلام آباد – 12 سيپٽمبر (اي پي پي) وزيراعظم محمد شهباز شريف مستونگ ضلعي ۾ فتنه الهندستان جي دهشتگردن جي خلاف ڪامياب ڪارروائي تي سيڪيورٽي فورسز کي خراج تحسين پيش ڪيو آهي. وزيراعظم آفيس جي ميڊيا ونگ پاران جاري بيان موجب وزيراعظم آپريشن دوران فتنه الهندستان جي 4 دهشتگردن کي مارڻ تي سيڪيورٽي فورسز کي شاباس ڏني. وزيراعظم چيو ته دهشتگردي جي خلاف جنگ ۾ پوري قوم سيڪيورٽي فورسز سان گڏ بيٺل آهي، حڪومت ملڪ مان هر قسم جي دهشتگردي جي مڪمل خاتمي جي لاءِ پرعزم آهي.