اسلام آباد – 12 سيپٽمبر (اي پي پي) پاڪستان ڀارت جي غيرقانوني طور تي قبضي هيٺ ڄمون ۽ ڪشمير ۾ انساني حقن جي سنگين پائمالين تي گهري ڳڻتي جو اظهار ڪندي چيو آهي ته والاريل علائقي ۾ ماڻهن کي ڀارتي عملدارن جي مختلف جابراڻي قدمن کي منهن ڏيڻو پئجي رهيو آهي. پرڏيهي آفيس جي ترجمان شفقت علي خان پريس بريفنگ ۾ چيو ته ناليواري ڪشمير اڳواڻ شبير احمد شاهه جنهن …
پاڪستان پاران ڀارت جي غيرقانوني طور تي قبضي هيٺ ڄمون ۽ ڪشمير ۾ انساني حقن جي سنگين پائمالين تي ڳڻتي جو اظهار
مزید خبریں
اسلام آباد – 12 سيپٽمبر (اي پي پي) پاڪستان ڀارت جي غيرقانوني طور تي قبضي هيٺ ڄمون ۽ ڪشمير ۾ انساني حقن جي سنگين پائمالين تي گهري ڳڻتي جو اظهار ڪندي چيو آهي ته والاريل علائقي ۾ ماڻهن کي ڀارتي عملدارن جي مختلف جابراڻي قدمن کي منهن ڏيڻو پئجي رهيو آهي. پرڏيهي آفيس جي ترجمان شفقت علي خان پريس بريفنگ ۾ چيو ته ناليواري ڪشمير اڳواڻ شبير احمد شاهه جنهن جي تازو ئي ڪينسر جي تشخيص ٿي آهي، کي ضمانت ڏيڻ کان هڪ ڀيرو ٻيهر انڪار ڪيو ويو آهي. ترجمان چيو ته ٻه هفتا اڳ قابض عملدارن من ماني طور تي فلاح عام ٽرسٽ جي انتظام هيٺ 215 نجي اسڪولن کي پنهنجي قبضي ۾ وٺڻ جو فيصلو ڪيو. هن چيو ته اهو زبردستي قدم ڀارتي عملدارن جي سنگين طرز عمل جو واضح مظهر آهي. ترجمان ڀارتي عملدارن تي زور ڏنو ته اهي ڪشميري عوام جي بنيادي حقن ۽ آزادين جو احترام ڪن ۽ انهن کي انهن جو فتح نه ٿيڻ جوڳو خودمختياري جو حق فراهم ڪن جن جو واعدو گڏيل قومن جي سلامتي ڪائونسل جي لاڳاپيل قراردادن ۾ ڪيو ويو آهي. هن ان ڳالهه تي پڻ زور ڏنو ته شبير احمد شاهه ۽ ٻين هزارين ڪشميري سياسي قيدين کي پڻ آزاد ڪيو وڃي.
