وزيراعظم پاران قومي ڪرڪيٽ ٽيم کي ويسٽ انڊيز خلاف ٽي 20 سيريز کٽڻ تي مبارڪباد

لاهور-04 آگسٽ (اي پي پي) وزيراعظم محمد شهباز شريف قومي ڪرڪيٽ ٽيم کي ويسٽ انڊيز خلاف ٽي 20 سيريز کٽڻ تي مبارڪباد ڏني آهي. سومر تي سماجي رابطن واري ويب سائيٽ "ايڪس” تي هڪ پوسٽ ۾ وزيراعظم پاڪستان ڪرڪيٽ بورڊ جي چيئرمين محسن نقوي ۽ ٽيم انتظاميا کي به مبارڪباد ڏني. وزيراعظم چيو ته ٽيم ورڪ ۽ محنت ڪاميابي جي ڪنجي آهي. مون کي اميد آهي ته ٽيم وڌيڪ محنت ۽ متحد ٿي ايندڙ ميچن لاءِ تياري ڪندي ۽ ڪاميابين جو هي سلسلو جاري رهندو.