وزيراعظم پاران قلات ۾ سيڪيورٽي آپريشن دوران گذريل ٻن ڏينهن ۾ 8 دهشتگردن کي جهنم ڀيڙو ڪرڻ تي سيڪيورٽي فورسز کي خراج تحسين پيش

اسلام آباد – 22 – جولاءِ (اي پي پي) وزيراعظم محمد شهباز شريف قلات ۾ سيڪيورٽي آپريشن دوران گذريل ٻن ڏينهن ۾ 8 دهشتگردن کي جهنم ڀيڙو ڪرڻ تي سيڪيورٽي فورسز کي خراج تحسين پيش ڪندي چيو آهي ته معصوم شهرين جي جان ۽ مال کي نقصان پهچائيندڙ دهشتگردن جي ڪڌي ارادن کي خاڪ ۾ ملائي ڇڏينداسين. وزيراعظم آفيس جي ميڊيا ونگ پاران جاري بيان موجب وزيراعظم چيو ته پاڪستان جي سالميت جي دشمن فتنه الهندستان کي پاڙ کان پٽي اڇلائينداسين، حڪومت ۽ سيڪيورٽي فورسز ملڪ مان دهشتگردي جي مڪمل خاتمي جي لاءِ پرعزم آهي.