اسلام آباد-16 جولاءِ (اي پي پي) پاڪستان مسلم ليگ (ن) جو سينئر اڳواڻ، سينيٽ ۾ پارلياماني پارٽي جو اڳواڻ ۽ پرڏيهي معاملن واري اسٽينڊنگ ڪميٽي جو چيئرمين سينيٽر عرفان صديقي وزيراعظم جي اڳوڻي پريس سيڪريٽري راءِ رياض حسين جي رهائش گاهه پهتو. هن راءِ رياض حسين جي گهرواري جي لاڏاڻي تي گهري ڏک ۽ افسوس جو اظهار ڪندي تعزيت ڪئي. ان موقعي تي سينيٽر عرفان صديقي، راءِ رياض حسين ۽ سندس پٽ راءِ ثاقب حسين سان ملاقات ڪئي ۽ مرحومه جي ايثال لاءِ فاتحه خواني ڪئي. هن، مرحومه جي مغفرت ۽ گهرڀاتين لاءِ صبر جي دعا ڪئي. راءِ رياض حسين سينيٽر عرفان صديقي جو دل سان شڪريو ادا ڪيو.
