اسلام آباد – 16 – جولائي (اي پي پي) صدر آصف علي زرداري قلات بلوچستان ۾ مسافر بس تي بزدلاڻي دهشتگردي حملي جي شديد مذمت ڪندي چيو آهي ته بيگناهه عام شهرين کي نشانو بڻائڻ انتهائي مذمت جوڳو فعل آهي. ايوان صدر جي پريس ونگ پاران جاري بيان ۾ صدر افسوسناڪ واقعي ۾ قيمتي جاني نقصان تي گهري ڏک ۽ افسوس جو اظهار ڪيو ۽ چيو ته بيگناهه عام شهرين کي نشانو بڻائڻ انتهائي مذمت جوڳو فعل آهي. صدر چيو ته دهشتگرد امن ۽ استحڪام کي سبوتاز ڪرڻ چاهين ٿا، اهي انسانيت ۽ امن جا دشمن آهن. هن چيو ته قوم جي حمايت سان دهشتگردي جي لعنت جو مڪمل خاتمو ڪنداسين، رياست دهشتگردي جي خلاف پوري قوت سان ڪارروائي جاري رکندي. صدر لاڳاپيل ادارن کي هدايت ڪندي چيو ته زخمين کي فوري ۽ بهترين طبي سهولتن جي فراهمي يقيني بڻائي وڃي. صدر واقعي ۾ مارجي ويلن جي پونئيرن سان تعزيت جو اظهار ڪيو.
