اسلام آباد – 16 – جولائي (اي پي پي) وزيراعظم محمد شهباز شريف آواران ۾ فتنه الهندستان جي خلاف ڪامياب آپريشن تي سيڪيورٽي فورسز جي آفيسرن ۽ اهلڪارن کي ساراهيندي چيو آهي ته دهشتگردي جي لعنت جي ملڪ مان مڪمل خاتمي تائين ان جي خلاف جنگ جاري رکنداسين. وزيراعظم آفيس جي ميڊيا ونگ پاران جاري بيان موجب وزيراعظم آپريشن دوران فتنه الهندستان جي ٽن دهشتگردن کي جهنم ڀيڙو ڪرڻ تي سيڪيورٽي فورسز جي پيشيواراڻي صلاحيتن جي واکاڻ ڪئي ۽ آپريشن دوران بهادري سان وڙهندي شهادت ماڻيندڙ ميجر سيد رب نواز طارق کي خراج عقيدت پيش ڪيو، شهيد جي درجن جي بلندي ۽ گهرڀاتين جي لاءِ صبر جي دعا ڪئي. وزيراعظم چيو ته دهشتگردي جي لعنت جي ملڪ مان مڪمل خاتمي تائين ان جي خلاف جنگ جاري رکنداسين، مون سميت پوري قوم کي پنهنجي شهيدن ۽ انهن جي گهرڀاتين تي فخر آهي. وزيراعظم چيو ته پاڪ فوج جا آفيسر ۽ جوان دشمن جي ناپاڪ ارادن کي ناڪام بڻائڻ جي لاءِ ڏينهن رات مصروف عمل آهن، دهشتگردي جي خلاف جنگ ۾ پوري قوم پنهنجي بهادر فوج سان گڏ بيٺل آهي.
