سيڪيورٽي فورسز جو جاني خيل ۾ آپريشن، 3 دهشتگرد مارجي ويا، 9 زخمي

راولپنڊي-28 جنوري (اي پي پي) سيڪيورٽي فورسز بنون جي علائقي جاني خيل ۾ دهشتگردن جي موجودگي جي اطلاع تي آپريشن ڪيو جنهن جي نتيجي ۾ 3 دهشتگرد مارجي ويا جڏهن ته 9 زخمي ٿي پيا. آءِ ايس پي آر مطابق علائقي ۾ ڪنهن به دهشتگرد جي موجودگي جي خاتمي لاءِ ڪليئرنس آپريشن جاري آهي. آءِ ايس پي آر جو چوڻ آهي ته سيڪيورٽي فورسز ملڪ مان دهشتگردي جي لعنت کي ختم ڪرڻ لاءِ پر عزم آهي.