گڏيل قومون- 10 ڊسمبر (اي پي پي) شام اسرائيل کان پنهنجي فوج واپس گهرائڻ جو مطالبو ڪيو آهي. اها ڳالهه گڏيل قومون ۾ شام جي صلاحڪار قصي الضحاڪ چئي. روسي خابرو اداري مطابق هن چيو ته اسرائيلي جارحيت کي ختم ڪرڻ جي ضرورت آهي. اسرائيلي فوج جنهن اسان جي علائقن تي حملو ڪيو، اها ملڪ ڇڏي وڃي. هن چيو ته اسرائيل کي گڏيل قومن جي سلامتي ڪائونسل جي ٺهرائن ۽ فوج جي عليحدگي جي 1974ع جي معاهدي جي پاسداري ڪرڻ گهرجي. معاهدي مطابق گولان جي جبلن جي بفرزون ۾ رڳو گڏيل قومن جي فوج کي مقرر ڪري سگهجي ٿو.
