اسلام آباد– 14 – جون (اي پي پي) وزيراعظم محمد شهباز شريف جو صنعت ۽ روانگي واپار ۾ وڏي اضافي جي لاءِ تاريخي قدم، ملڪي صنعت جي بهتري لاءِ بجلي جي تاريخي پئڪيج جو اعلان، صنعتن جي لاءِ بجلي جي قيمت ۾ 10 رپيا 69 پئسن جي لاٿ ڪئي وئي آهي، وزيراعظم جي خصوصي ڪوششن سان صنعت ۽ روانگي واپار جي شعبي جي لاءِ بجلي جي قيمت 34 رپيا 99 پئسا في يونٽ مقرر ڪئي وئي آهي. وزيراعظم آفيس جي ميڊيا ونگ پاران جاري بيان موجب نيپرا صنعتن جي لاءِ بجلي جي قيمت ۾ 10 رپيا 69 پئسا في يونٽ لاٿ تجويز ڪئي هئي، وزيراعظم جي پئڪيج جي نتيجي ۾ صنعتن تان 200 ارب رپين کان وڌيڪ جو بار ختم ٿيندو، صنعتن کي اهو پئڪيج عالمي منڊي ۾ شين جي لاڳت جي مقابلي جي قابل بڻائڻ جي لاءِ ڪيو ويو، ان پئڪيج سان صنعتي ۽ زرعي مصنوعات جي پيداواري لاڳت ۾ گهٽتائي ۽ روانگي واپار ۾ خاطرخواهه اضافو ٿيندو، صنعتي ترقي جي رفتار وڌيڪ تيز ٿيندي، روزگار ۾ تيز ترين اضافو ٿيندو، صنعتن جي ڦيٿي جي رفتار تيز ۽ روانگي واپار ۾ اضافي سان ملڪي معيشت کي فائدو ٿيندو.
