ريوڊيجنيرو-23 فيبروري (اي پي پي)سعودي عرب جي پرڏيهي وزير شهزاده فيصل بن فرحان سان جي- 20 اجلاس جي موقعي تي ترڪيه جي هم منصب خاقان فيدان ملاقات ڪئي جنهن ۾ ٻه طرفي دلچسپي وارن معاملن تي غور ويچار ڪيو ويو. ايس پي اي مطابق برازيل جي شهر ريوڊي جنيرو ۾ جي- 20 ملڪن جي پرڏيهي وزيرن جو اجلاس ٿيو جنهن ۾ سعودي وفد جي سربراهي شهزاده فيصل بن فرحان ڪري رهيو آهي. ترڪيه جي پرڏيهي وزير سان ٿيل ملاقات ۾ علائقائي ۽ عالمي معاملن کان علاوه غزه پٽي جي حوالي سان خصوصي طور تي غور ويچار ڪيو ويو. ان موقعي تي جمهوريه برازيل ۾ سعودي عرب جي سفير فيصل غلام ۽ پرڏيهي وزير جي آفيس جو ڊائريڪٽر وليد اسماعيل به موجود هو.
