بيجنگ – 22 فيبروري (اي پي پي) چين ۽ جمهوريه ڪانگو جا سفارتي لاڳاپا قائم ٿيڻ جي 60 هين سالگره ملهائڻ لاءِ چيني صدر شي جن پنگ ۽ جمهوريه ڪانگو جي صدر ڊينس ساسوئيسو مبارڪن جي پيغامن جي مٽا سٽا ڪئي آهي. چيني خابرو اداري مطابق چين ۽ جمهوريه ڪانگو جا سفارتي لاڳاپا قائم ٿيڻ جي 60 هين سالگره تي صدر ڊينس ساسوئيسو کي موڪليل پيغام ۾ صدر شي جن پنگ چيو ته ٻنهي ملڪن وچ ۾ دوستي ڊگهي عرصي کان قائم آهي. سفارتي لاڳاپا سالن دوران تبديل ٿيندڙ بين الاقوامي صورتحال باوجود، ٻنهي ملڪن هميشا خلوص دل سان سهڪار ڪيو آهي ۽ گڏو گڏ ترقي ڪئي آهي. ٻئي پاسي ڪانگو جي صدر پنهنجي پيغام ۾ چيو ته 60 سالن کان ٻنهي ملڪن جو عوام هميشا متحد ۽ دوستاڻو رهيو آهي، امن انصاف ۽ خوشحالي جي گڏيل حصول لاءِ ٻه طرفا لاڳاپن کي هٿي ڏئي رهيو آهي.
