رياض-21 فيبروري (اي پي پي)سعودي عرب جي گادي واري شهر رياض جي الشمامه ايئر پورٽ تي هڪ ننڍو جهاز لينڊنگ دوران ڪري تباهه ٿي ويو. ميڊيا رپورٽن موجب ٽرانسپورٽ سيفٽي سينٽر (اين ٽي ايس سي) پاران جاري ڪيل بيان ۾ چيو ويو آهي ته سينٽر جو هڪ الٽرا لائيٽ جهاز لينڊنگ دوران تباهه ٿي ويو. اين ٽي ايس سي ان حوالي سان ايڪس تي ڏنل تفصيل ۾ وڌيڪ چيو آهي ته الٽرا لائٽ لچنڊ 600 جهاز ڪري تباه ٿي ويو آهي جڏهن ته حادثي ۾ ڪنهن به جاني نقصان جا اطلاع نه مليا آهن.سينٽر جو چوڻ آهي ته حادثي جو سبب معلوم ڪرڻ لاءِ فوري طور تي جاچ شروع ڪئي وئي آهي.
