طرابلس- 20 فيبروري (اي پي پي)لبيا جي گادي واري شهر طرابلس ۾ مليشيا گروپ خلاف هٿياربندن جي فائرنگ ۾ 10 ڄڻا مارجي ويا آهن. ٽي آر ٽي مطابق طرابلس پوليس جي سربراهه حليل وحيبي چيو آهي ته اڻڄاتل هٿياربندن ابو سليم جي علائقي ۾ هڪ گهر ۾ اسٽيبلٽي سپورٽ يونٽ مليشيا سميت هڪ گروپ خلاف هٿيارن سان حملو ڪيو جنهن جي نتيجي ۾ 10 ڄڻا مارجي ويا. واقعي بعد پوليس ڏوهارين جي ڳولا شروع ڪري ڇڏي آهي. ٻئي طرف لبيا ۾ گڏيل قومن جي امدادي مشن(يو اين ايس ايم آءِ ايل) ان حملي جي مذمت ڪئي آهي.
