رياض-19 (اي پي پي ) سعودي عرب جي غزه جي متاثرن لاءِ شروع ڪيل عوامي عطيو مهم ۾ هاڻي تائين ڪل عطيو 628 ملين ريال کان به وڌي ويو آهي . سبق ويب سائيٽ موجب شاهه سلمان بن عبدالعزيز ۽ ولي عهد شهزاده محمد بن سلمان جي هدايت تي غزه لاءِ عوامي عطيو مهم ۾ هاڻي تائين 17 لک 33 هزار ماڻهن غزه ۾ پنهنجي فلسطيني ڀائرن لاءِ عطيو جمع ڪرايوآهي . واضح رهي ته غزه جي متاثرن لاءِ شروع ڪيل عطيي مهم ۾ سڀ کان اڳ شاهه سلمان بن عبدالعزز پاران 30 ملين ريال عطيو ڪيو ويو جڏهن ته ولي عهد شهزاده بن سلمان پاران 20 ملين ريال جو عطيو مرڪز جي ساهم پورٽل ۾ جمع ڪرايو ويو .
