بيجنگ – 27 آڪٽوبر (اي پي پي) چين جو اڳوڻو وزيراعظم لي ڪي چيانگ خميس ۽ جمعي جي وچ واري رات دل جو دورو پوڻ سبب لاڏاڻو ڪري ويو. هو چين جي حڪمران ڪميونسٽ پارٽي آف چائنا جي 17 هين، 18 هين ۽ 19 هين سينٽرل ڪميٽي جي پوليٽيڪل بيورو جي اسٽينڊنگ ڪميٽي جي ميمبر رهيو. چيني خابرو اداري جي رپورٽ مطابق هو چين جي شهر شنگهائي ۾ رهندو هو. سندس عمر 68 سال هئي. کيس خميس ۽ جمعي جي وچ واري رات دل جو دورو پيو. سندس جان بچائڻ جي هر ممڪن ڪوشش ڪئي وئي پر رات 12 لڳي 10 منٽن تي سندس وفات ٿي وئي.
