تهران-19 آڪٽوبر (اي پي پي) ايران جي صدر ابراهيم رئيسي غزه جي اسپتال تي حملي جي جواب ۾ اسرائيل کي اسلامي دنيا طرفان سخت انقام کان خبردار ڪيو آهي. وچ تهران ۾ هزارين ماڻهن جي مظاهري دوران ڳالهائيندي هن چيو ته اسپتال ۾ حملي سان صيهوني حڪومت جو خاتمو شروع ٿي ويندو. فلسطيني جي رت جو هر ڦڙو صيهوني حڪومت کي پنهنجي زوال طرف وٺي وڃي رهيو آهي، ابراهيم رئيسي چيو ته آمريڪا اسرائيل جي ڏوهن ۾ ان جو ساٿي آهي، دنيا جا ماڻهو آمريڪا کي صيهوني حڪومت جي ڏوهن جو ساٿي سمجهن ٿا، غزه ۾ صحت جي عملدارن موجب الاهي عرب اسپتال تي اسرائيل جي حملي ۾ سوين ماڻهو شهيد ٿيا آهن، 7 آڪٽوبر کان شروع ٿيل جنگ ۾12 ڏينهن دوران لڳ ڀڳ 3500 فلسطيني شهيد ۽ 1400 اسرائيلي مارجي چڪا آهن.
