اوٽاوا _18 آڪٽوبر (اي پي پي ) ڪينيڊا جي وزيراعظم جسٽن ٽروڊو غزه جي الاحلي عرب اسپتال تي حملي جي جاچ جو مطالبو ڪيو آهي . برطانوي خابرو اداري مطابق ڪينيڊين وزيراعظم ٽوئيٽ ۾ چيو آهي ته کيس غزه جي الاحلي عرب اسپتال تي حملي ۾ انساني زندگين جي ضايع ٿيڻ تي شديد ڏک آهي ، مان ڏک جي هن وقت ۾ انهن ماڻهن سان گڏ آهيان جن پنهنجي پيارن کي وڃايو آهي . هن چيو ته اهو ضروري آهي ته بي گناهه شهرين کي تحفظ فراهم ڪيو وڃي ۽ عالمي قانون جي پاسداري ڪئي وڃي . اسان کي ملي ڪري ان ڳالهه جو حل ڪڍڻ گهرجي . ته ڇا ٿي رهيو آهي ۽ ان جي جاچ ۽ احتساب ٿيڻ گهرجي .
