ايشين گيمز مينز باسڪٽ بال، چين جي ٽيم چائنيز تائپي کي هارائي ٽامي جو ميڊل حاصل ڪري ورتو

هانگ زو – 06 آڪٽوبر (اي پي پي) چين جي ٽيم 19 هين ايشين گيمز جي مينز باسڪٽ بال مقابلي ۾ ٽامي جو ميڊل حاصل ڪري ورتو. چين جي ٽيم مردن جي باسڪٽ بال مقابلن جي ٽئين پوزيشن جي ميچ ۾ چائنيز تائپي جي ٽيم کي شڪست ڏئي برانز ميڊل پنهنجي نالي ڪري ورتو. چين جي شهر هانگ زو ۾ جاري 19 هين ايشين گيمز جي مينز باسڪٽ بال مقابلي ۾ جمعي تي کيڏيل ٽئين پوزيشن جي ميچ ۾ ميزبان چين ۽ چائنيز تائپي جون ٽيمون آمهون سامهون هيون جنهن ۾ چين جي ٽيم سخت مقابلي کانپوءِ چائنيز تائپي کي 73 جي مقابلي ۾ 101 باسڪٽ پوائنٽس تان هارائي ٽامي جو ميڊل کٽي ورتو. چين 3-1 تان ڪاميابي حاصل ڪئي.