اسلام آباد – 24 فيبروري (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته مخالف ڌر هڪ طرف ڌانڌلي جي واويلا مچائي رهي آهي ته ٻي طرف شفاف چونڊ نظام جي مخالفت ۾ ننهن چوٽي جو زور لڳائي رهي آهي. پنهنجي هڪ ٽوئيٽ ۾ هن چيو ته مخالف ڌر جو ٻٽو رويو ”هاٿي جا ڏند کائڻ جا ٻيا ۽ ڏيکارڻ جا ٻيا“ جي برابر آهي. هن چيو ته سياسي منافقت جو ٻيو نالو پي ڊي ايم آهي. حق ۽ سچ جي جدوجهد ۾ عمران خان هماليه وانگر بيٺل آهي.
