اسلام آباد – 26 آگسٽ (اي پي پي) اطلاعات ۽ نشريات واري وفاقي وزير سينيٽر شبلي فراز چيو آهي ته پي آءِ ڊي ۾ پيش ايندڙ واقعو اڻوڻندڙ هو، احسن انداز سان حل ڪيو ويو، اسان کي غلط فهمين ۽ تلخين جو ازالو ڪرڻو آهي، ڪشميري صحافين سميت ميڊيا صنعت سان لاڳاپيل سمورا صحافي ۽ ڪارڪنن جي حقن جو تحفظ پنهنجي ذميداري سمجهان ٿو. اهڙن خيالن جو اظهار هن صحافين جي نمائنده وفد سان ملاقات دوران ڪيو، جنهن اطلاعات واري وزير سان ملاقات ڪئي.
