اسلام آباد – 12 ڊسمبر (اي پي پي) اطلاعات ۽ نشريات واري وفاقي وزير چوڌري فواد حسين چيو آهي ته پاڪستان ۾ پهريون ڀيرو صاف ۽ شفاف احتساب ٿي رهيو آهي، قومي احتساب بيورو خودمختيار ادارو آهي، قومي اسيمبلي ۾ شاهد خاقان عباسي ۽ نويد قمر جي اعتراض واري نقطي جو جواب ڏيندي اطلاعات ۽ نشريات واري وفاقي وزير چوڌري فواد حسين چيو ته مخالف ڌر کي ٻين جي ڳالهه ٻڌڻ جي به عادت وجهڻ گهرجي، مسلم ليگ (ن) جنرل ضياءُ الحق ٺاهي هئي، ان لاءِ اهي ٻين جي ڳالهه نٿا ٻڌڻ چاهين، هن چيو ته سعد رفيق جي گرفتاري هاءِ ڪورٽ پاران ضمانت رد ٿيڻ کانپوءِ ٿي.
