25 جولاءِ تي عام چونڊن جي موقعي تي انتظام اطمينان جوڳا آهن: سيد علي ظفر

لاهور – 21 جولاءِ (اي پي پي) اطلاعات ۽ نشريات واري وفاقي وزير سيد علي ظفر چيو آهي ته 25 جولاءِ تي عام چونڊن جي موقعي تي انتظام اطمينان جوڳا آهن، نواز شريف کي جيل مينوئل موجب سهولتون ڏنيون پيون وڃن جيڪڏهن ڪنهن کي شڪايت آهي ته اهو عدالت سان رجوع ڪري سگهي ٿو، حڪومت آءِ ايم ايف سان ڪو اهڙو معاهدو نه ڪري رهي آهي جنهن جي ايندڙ حڪومت پابند هجي، ملڪ کي ايف اي ٽي ايف پاران بليڪ لسٽ ۾ شامل ڪرڻ کان بچائڻ جي لاءِ اسان ڪمٽمينٽ ڪئي. هو لاهور چيمبر آف ڪامرس ۾ يونيفائيڊ ميڊيا ڪلب پاڪستان جي اهتمام هيٺ اليڪشن 2018ع: اظهار راءِ جي آزادي جي موضوع تي ميڊيا ڪانفرنس کي خطاب ۽ صحافين جي سوالن جا جواب ڏئي رهيو هو،