اسلام آباد – 30 مئي (اي پي پي) ناڻي واري وفاقي وزير سينيٽر اسحاق ڊار جي صدارت ۾ فنانس ڊويزن جي معاملن جو جائزو وٺڻ لاءِ اجلاس ٿيو. اسحاق ڊار پارليامينٽ هائوس ۾ بجيٽ بابت سمورن معاملن، ناڻي واري وزير جي بجيٽ تقرير کي سهيڙڻ ۽ فنانس بل 2017ع کي ڪاميابي سان پيش ڪرڻ تي فنانس ڊويزن جي سمورن آفيسرن کي مبارڪباد ڏني آهي. هن بجيٽ جي وقت سر ۽ ڪامياب تياري تي ناڻي واري وزارت جي ٽيم کي ساراهيو. هن چيو ته جاري بجيٽ سيشن ڪاميابي سان مڪمل ٿي ويندو ۽ پارليامينٽ جي نمائندن پاران ايندڙ سمورين تعميري تجويزن جي آجيان ڪئي ويندي ۽ انهن کي بجيٽ جي حتمي منظوري سان انهن تي غور ڪيو ويندو.
