بيجنگ – 04 مارچ (اي پي پي) چين ۾ پاڪستان جي سفير مسعود خالد چيو آهي ته چين جي اولهندي علائقن جي ترقي جي حڪمت عملي (ويسٽرن ڊولپمينٽ اسٽريٽجي) پاڪ چين اقتصادي لنگهه سان واڳيل آهي جنهن سان ٻنهي ملڪن جي وچ ۾ ويجهي ۽ ٺوس حصيداري جي ڊگهي تاريخ ۾ هڪ نئين باب جو اضافو ٿيو آهي. اهڙن خيالن جو اظهار هن چين جي اخبار چائنا ڊيلي ۾ شايع ٿيندڙ انٽرويو ۾ ڪيو. هن چيو ته مون کي يقين آهي ته جيئن جيئن اسان اڳتي وڌنداسين چين جي معيشت مستحڪم ٿيندي ۽ پائيدار ترقي جو عمل جاري رهندو.
