ڪوهاٽ – 28 آڪٽوبر (اي پي پي) وزيراعظم محمد نواز شريف چيو آهي ته خيبرپختونخواهه ۾ ڪو ٻيو نه پر اسان تبديلي آڻي رهيا آهيون، پاڪستان معاشي طور جلد ئي مستحڪم ۽ خوشحال ملڪ بڻجندو. اهڙن خيالن جو اظهار هن ڪوهاٽ ۾ قلعي گرائونڊ ۾ هڪ وڏي عوامي جلسي کي خطاب ڪندي ڪيو. وزيراعظم محمد نواز شريف ان موقعي تي خطاب ڪندي چيو ته سي پيڪ منصوبو پاڪستان ۾ ترقي ۽ خوشحالي آڻيندو، هن چيو ته مسلم ليگ (ن) جي حڪومت سيڪيورٽي جي لاءِ بهترين قدم کنيا آهن ۽ امن امان جي صورتحال ۾ بهتري آئي آهي.
