اسلام آباد – 06 سيپٽمبر (اي پي پي) وزيراعظم محمد نواز شريف سينيگال سان ٻطرفو واپار وڌائڻ جي لاءِ ٽيڪسٽائيل، زرعي مشينري ۽ فارماسيوٽيڪل جي شعبن ۾ تعاون ۾ اضافي تي زور ڏنو آهي. وزيراعظم هائوس ۾ سينيگال جي صدر ميڪي سال سان نويڪلائي ۾ ملاقات دوران وزيراعظم ساليانو ٻطرفي واپار جو موجوده ڪاٿو 30.469 ملين ڊالر کي ان جي حقيقي صلاحيتن موجب وڌائڻ جي ضرورت تي زور ڏنو. وزيراعظم محمد نواز شريف چيو ته سينيگال پاڪستان جي چمڙي ۽ ننڍي انجنيئرنگ جي سامان مان فائدو وٺي. هن چيو ته ان سلسلي ۾ واپار واري وفاقي وزير جي سربراهي ۾ هڪ واپاري ۽ سيڙپڪاري وفد سينيگال جو دورو ڪري سگهي ٿو.
