ڌتوٽ/فتح پور ٿڪيالا-24 جولاءِ (اي پي پي) وزيراعظم جي سياسي معاملن بابت صلاحڪار راڻا ثناءُ الله ۽ ڪشمير معاملن بابت وفاقي وزير انجنيئر امير مقام چيو آهي ته پاڪستان ۽ ڪشمير جي عوام جو رشتو مضبوط ۽ شڪست نه ڏيڻ جوڳو آهي، جنهن کي ڪا طاقت ڪمزور نٿي ڪري سگهي، حڪومت عوامي مسئلن جي حل لاءِ ڪڻڪ سبسڊي سميت ڪيترائي قدم کنيا آهن، نوجوانن کي هٿيار نه پر تعليم ۽ …
پاڪستان ۽ ڪشمير جي عوام جو رشتو ڪا طاقت ڪمزور نٿي ڪري سگهي: انجنيئر امير مقام ۽ راڻا ثناءُ الله
مزید خبریں
ڌتوٽ/فتح پور ٿڪيالا-24 جولاءِ (اي پي پي) وزيراعظم جي سياسي معاملن بابت صلاحڪار راڻا ثناءُ الله ۽ ڪشمير معاملن بابت وفاقي وزير انجنيئر امير مقام چيو آهي ته پاڪستان ۽ ڪشمير جي عوام جو رشتو مضبوط ۽ شڪست نه ڏيڻ جوڳو آهي، جنهن کي ڪا طاقت ڪمزور نٿي ڪري سگهي، حڪومت عوامي مسئلن جي حل لاءِ ڪڻڪ سبسڊي سميت ڪيترائي قدم کنيا آهن، نوجوانن کي هٿيار نه پر تعليم ۽ ترقيءَ جا موقعا فراهم ڪرڻ حڪومت جي ترجيح آهي. جمعي ڏينهن مسلم ليگ (ن) جي ايل اي9 فتح پور ٿڪياله جي اميدوار انجنيئر عمير نعيم ايڊووڪيٽ جي چونڊ مهم جي سلسلي ۾ ڌتوٽ ۾ رٿيل هڪ وڏي عوامي جلسي ۽ شموليتي تقريب کي خطاب ڪندي ڪيو، جتي مختلف قبيلن ۽ ڪيترن ئي مقامي، سياسي ۽ سماجي شخصيتن پنهنجي ساٿين ۽ خاندانن سميت (ن) ليگ ۾ شموليت جو اعلان ڪيو. راڻا ثناءُ الله پنهنجي خطاب ۾ چيو ته ڌتوٽ جي عوام هزارن جي انگ ۾ جلسي م شرڪت ڪري (ن) ليگ تي پنهنجي اعتماد جو اظهار ڪيو آهي. هن چيو ته عوام ڪيترن ئي ڪلاڪن تائين جلسا گاهه ۾ موجود رهيو، جنهن تي هو سندن جذبن ۽ محبت جو ٿورائتو آهي. هن چيو ته پاڪستان ۽ ڪشمير جي عوام جو رشتو مضبوط ۽ شڪست نه ٿيڻ جوڳو آهي، جنهن کي ڪا طاقت ڪمزور نٿي ڪري سگهي. ان موقعي تي وفاقي وزير انجنيئر امير پنهنجي خطاب ۾ چيو ته لائن آف ڪنٽرول تي رهندڙ عوام وطن جي دفاع ۾ پاڪ فوج سان گڏ بيٺل آهي ۽ سندن قربانيون پوري قوم لاءِ فخر جوڳيون آهن. هن چيو ته (ن) ليگ هميشه عملي خدمت جي سياست ڪئي آهي ۽ آئينده به آزاد ڪشمير ۾ پنجاب وانگر ترقياتي منصوبا شروع ڪيا ويندا. هن چيو ته سپهه سالار ۽ فيلڊ مارشل جي قائداڻي صلاحيتن ۾ پاڪ فوج جي صلاحيتن کي پوري قوم تسليم ڪيو. هن چيو ته قوم جي اتحاد ۽ پاڪ فوج جي جذبي پوري دنيا کي ڏيکاريو ته اسان پنهنجي ملڪ جو دفاع ڪرڻ ڄاڻون ٿا.
