پاڪستان مسلم ليگ (ن) هميشه آزاد ڄمون ڪشمير جي تعمير ۽ ترقي ۽ عوامي ڀلائي کي پنهنجي اولين ترجيح بڻايو آهي: انجنيئر امير مقام

اسلام آباد- 22 جولاءِ (اي پي پي) ڪشمير، گلگت بلستان ۽ سيفران معاملن واري وفاقي وزير انجنئير امير مقام چيو آهي ته پاڪستان مسلم ليگ (ن) هميشه آزاد ڄمون ڪشمير جي تعمير ۽ ترقي ۽ عوامي ڀلائي کي پنهنجي اولين ترجيح بڻايو آهي، آئينده به عوام کي مايوس نه ڪيو ويندو. هو ايل اي 8 راج محل ۾ عوامي ميڙاڪي کي خطاب ڪري رهيو هو. وفاقي وزير جي پناگ شريف ۾ منعقد عوامي جلسي ۾ اچڻ تي شاندار آجيان ڪئي وئي. وفاقي وزير دربار پناگ شريف تي حاضري ڀري، فاتحه خواني ڪئي، پاڪستان ۽ آزاد ڄمون ڪشمير جي سلامتي، استحڪام ۽ خوشحالي لاءِ خاص دعائون ڪيون. هن تڪ ايل اي 8 راج محل هڪ تان پاڪستان مسلم ليگ (ن) جي اميدوار ملڪ محمد نواز خان جي حق ۾ منعقد هڪ وڏي عوامي ميڙاڪي کي خطاب ڪندي چيو ته مسلم ليگ (ن) جي قائد محمد نواز شريف کي ڪشميري عوام سان خاص محبت آهي. هن چيو ته محمد نواز شريف پنهنجي حڪومتي دورن ۾ آزاد ڪشمير ۾ ڪيترائي ترقياتي منصوبا مڪمل ڪيا. مسلم ليگ (ن) هميشه اهل ڪشميرين جي مسئلن جي حل جي لاءِ عملي قدم کنيا. ميان محمد نواز شريف 24 جولاءِ تي ميرپور ۾ هڪ وڏي عوامي جلسي کي خطاب ڪندو. وفاقي وزير چيو ته هن ايل او سي جي دورن دوران پاڪ فوج جي جوانن ۽ مقامي آبادي جي بلند حوصلي ۽ حب الوطني جي جذبي کي ويجهي کان ڏٺو آهي. وزيراعظم محمد شهباز شريف جي قيادت ۽ فيلڊ مارشل سيد عاصم منير جي سربراهي ۾ پاڪستان دشمن کي موثر جواب ڏنو ۽ قومي دفاع کي وڌيڪ مضبوط بڻايو. وفاقي وزير پاڪستان زنده باد، ڪشمير زنده باد، وزيراعظم شهباز شريف زنده باد ۽ فيلڊ مارشل سيد عاصم منير زنده باد جي نعرا لڳايا. جلسي ۾ سياسي سماجي شخصيتن ۽ ڪارڪنن وڏي انگ ۾ شرڪت ڪئي.