فيفا ورلڊ ڪپ ۾ ارجنٽائن ٽاپ 16 ميچ ۾ دلچسپ مقابلي کانپوءِ مصر کي 3-2 تان شڪست ڏئي ڪوارٽر فائنل ۾ پهچي ويو

اٽلانٽا- 08 جولاءِ (اي پي پي) دفاعي چيمپيئن ارجنٽائن مصر کي ورلڊڪپ ٽاپ 16 رائونڊ جي ميچ ۾ هڪ دلچسپ ۽ يادگار ميچ ۾ 2-3 تان شڪست ڏئي ڪوارٽر فائنل لاءِ ڪواليفائي ڪري ورتو آهي. ڪرسچن روميرو، ڪپتان ليونل ميسي ۽ اينزو فرنانڊز هڪ هڪ گول ڪري پنهنجي ٽيم جي ڪاميابي ۾ اهم ڪردار ادا ڪيو. مصر پاران ياسر ابراهيم ۽ مصطفيٰ زيڪو هڪ هڪ گول ڪيو. پرڏيهي ميڊيا مطابق آمريڪا جي شهر اٽلانٽا ۾ کيڏيل ميچ جي رائونڊ آف 16 ميچ ۾ پهريون ڀيرو ٽورنامينٽ ۾ حصو وٺندڙ مصر جي ٽيم هڪ بهترين راند جو مظاهرو ڪيو ۽ 15 هين منٽ ۾ ياسر ابراهيم جي هيڊر جي مهرباني سان برتري حاصل ڪئي. ميچ جي 19 هين منٽ ۾ ارجنٽائن کي پينلٽي ڪڪ ملي پر اسٽار فٽبالر ليونل ميسي مصري گول ڪيپر مصطفيٰ شبير کي ڊاج نه ڏئي سگهيو ۽ سندس هٽ کي روڪيو ويو. ٻئي هاف جي 67 هين منٽ ۾ مصر جي مصطفيٰ زيڪو ڪائونٽر اٽيڪ تي شاندار گول ڪري پنهنجي ٽيم جي برتري کي 2-0 تائين وڌايو، جنهن کان پوءِ ارجنٽائن تي شڪست نظر اچي رهي هئي. جنهن بعد ارجنٽائن ميچ جو رخ موڙي ڇڏيو، پهرين ڪرسٽين روميرو جي شاندار هيڊر سان پهريون گول ڪري اميد ڏني ۽ پوءِ ليونل ميسي باڪس اندر جهڳڙي کانپوءِ گول ڪري مقابلو 2-2 تي برابر ڪيو. ميچ جي اضافي وقت ۾ اينزو فرنانڊز ڪائونٽر اٽيڪ تي فيصلائتو گول ڪري ارجنٽائن جي فتح کي يقيني بڻايو. اهو ياد رکڻ گهرجي ته ارجنٽائن جو مقابلو هاڻي ڪوارٽر فائنل ۾ سوئٽزرلينڊ يا ڪولمبيا وچ ۾ ٿيندڙ ميچ جي ڪامياب ٽيم سان ٿيند.