نائب وزيراعظم اسحاق ڊار جي سعودي عرب جي پرڏيهي وزير شهزاده فيصل بن فرحان سان بدلجندڙ علائقائي صورتحال تي خيالن جي ڏي وٺ

اسلام آباد – 09 اپريل (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار سعودي عرب جي پرڏيهي وزير شهزاده فيصل بن فرحان سان بدلجندڙ علائقائي صورتحال تي خيالن جي ڏي وٺ ڪئي. پرڏيهي آفيس پاران جاري بيان موجب نائب وزيراعظم ۽ پرڏيهي وزير خطي ۾ امن ۽ استحڪام جي فروغ جي لاءِ پاڪستان جي ڪوششن ۾ سعودي عرب جي ثابت قدم حمايت تي دلي طور تي ٿورا ادا ڪيا. ٻنهي اڳواڻن پائيدار امن جي لاءِ ڊائيلاگ ۽ سفارتي رابطن جي اهميت تي زور ڏنو ۽ ويجهي رابطي ۾ رهڻ تي اتفاق ڪيو.