نائب وزيراعظم ۽ پرڏيهي وزير سينيٽر محمد اسحاق ڊار چين جي پرڏيهي وزير وانگ يي جي دعوت تي 31 مارچ 2026ع تي چين جو دورو ڪندو

اسلام آباد – 30 مارچ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار چين جي پرڏيهي وزير وانگ يي جي دعوت تي 31 مارچ 2026ع تي چين جو دورو ڪندو. پرڏيهي آفيس پاران جاري بيان موجب پاڪستان ۽ چين جي وچ ۾ هر موسم جي مضبوط اسٽريٽجڪ حصيداري قائم آهي جيڪا علائقائي ۽ عالمي معاملن تي ويجهي تعاون ۽ باقاعده مشاورت سان نمايان آهي. ان ڏس ۾ هي دورو ٻنهي ملڪن کي علائقائي صورتحال سان گڏوگڏ ٻطرفي ۽ عالمي سطح جي گڏيل دلچسپي جي معاملن تي تفصيلي خيالن جي ڏي وٺ جو موقعو فراهم ڪندو. نائب وزيراعظم ۽ پرڏيهي وزير جو هي دورو گذريل ڏينهن ڪلهي ۾ معمولي فريڪچر جي ڪري ڊاڪٽرن پاران آرام جي مشوري جي باوجود ان ڳالهه جو واضح ثبوت آهي ته پاڪستان چين سان پنهنجي لاڳاپن کي ڪيتري قدر اهميت ڏي ٿو.