نائب وزيراعظم ۽ پرڏيهي وزير سينيٽر محمد اسحاق ڊار جي ترڪيه جي پرڏيهي وزير هاڪان فيدان سان فون تي ڳالهه  ٻولهه

اسلام آباد- 18 مارچ (اي پي پي) نائب وزيراعظم ۽ پرڏيهي وزير سينيٽر محمد اسحاق ڊار گذريل رات ترڪيه جي پرڏيهي وزير هاڪان فيدان سان فون تي ڳالهه  ٻولهه ڪئي. اربع تي پرڏيهي آفيس پاران جاري ڪيل بيان موجب، انهن اڀرندڙ علائقائي صورتحال تي خيالن جي ڏي وٺ ڪئي ۽ وڌندڙ ڇڪتاڻ تي سخت ڳڻتي جو اظهار ڪيو. نائب وزيراعظم ڇڪتاڻ ۾ گهٽتائي جي فوري ضرورت تي زور ڏيندي چيو ته تعميري ڳالهه ٻولهه ۽ سفارتڪاري ئي مسئلن جو حل ۽ خطي ۾ امن ۽ استحڪام کي فروغ ڏيڻ جو واحد مؤثر ذريعو آهي.